Amosando publicacións coa etiqueta Semana da froita. Amosar todas as publicacións
Amosando publicacións coa etiqueta Semana da froita. Amosar todas as publicacións

xoves, 5 de xuño de 2014

3ª Semana da froita en Infantil de 5 anos

A semana do 26 ao 30 de maio foi a terceira e última semana da froita deste curso. Aproveitamos que xa había moitas froitas de óso.
Estas son as fotos de Infantil de 5 anos:

luns, 2 de xuño de 2014

3ª Semana da Froita. 4 anos

Na última semana de maio celebramos a 3ª Semana da Froita. Tomamos mazás, albaricoques, nésperas, cereixas e nectarinas. Aquí van as fotos.


A 3ª Semana da Froita

Nos últimos días de maio celebramos a 3ª Semana da Froita. Tomamos mazás, albaricoques, nésperas, cereixas e nectarinas.  Aquí van as fotos.

luns, 12 de maio de 2014

2ª Semana da froita en Infantil de 3 e 4 anos

A semana do 5 ao 12 de maio tivemos a segunda semana da froita neste curso. As froitas consumidas foron mazás, peras, plátanos, amorodos e mandarinas.
Os de Infantil de 3 e 4 anos aproveitaron esta semana e o venres a tomaron con chocolate.
Aquí vos deixo o vídeo:

domingo, 9 de febreiro de 2014

venres, 17 de maio de 2013

3ª Semana da froita deste curso

O vindeiro luns 20 de maio comezará a terceira e última semana da froita deste curso. Tomaremos nectarinas, albaricoques, amorodos, plátanos e melocotóns.



domingo, 12 de maio de 2013

2ª Semana da froita

Do 22 ao 26 de abril celebramos a segunda semana da froita do curso. Como non é unha época de froita variada consumimos: mazás, peras, mandarinas, plátanos e fresas.

domingo, 4 de novembro de 2012

Comer cores!!!

Os alimentos de orixe vexetal, en especial froitas, hortalizas e verduras posúen uns pigmentos de distintas cores que contribúen ao seu atractivo natural. Estas substancias son ademais benefciosas para a saúde.
Este material que aquí publicamos pode resultar interesante para a nosa educación en hábitos saudables.

Alimentación Saudable

A semana do 12 ao 16 de novembro celebraremos a primeira semana da froita deste curso. Neste enlace atoparedes material sobre o tema da alimentación saudable.
Agardamos que vos guste!



martes, 5 de xuño de 2012

2ª Semana da froita 2012

A Semana do 21 ao 25 de maio os alumnos/as do CPI A Xunqueira durante o recreo consumiron froita fresca. Esta iniciativa, subvencionada polo FOGGA, dá cada ano mellores resultados. Primeiro, hai espectación cada día pola froita que imos comer; segundo conseguimos que os nenos/as se abran a sabores novos; e terceiro, damos outra alternativa á merenda tipo "chuches". Como en cada Semana da Froita, informamos dos beneficios que produce na nosa saúde.  Consumimos mazás, plátanos, fresas e cereixas. Esta semana probamos como novidade a néspera.


Se clicades na etiqueta Semana da Froita coñeceredes os beneficios que para a saúde ten o consumo das froitas.
Aqui vén o vídeo:

sábado, 26 de novembro de 2011

Do 14 ao 18 de novembro, semana da froita

A semana do 14 ao 18 de novembro celebramos a semana da froita de outono. As froitas que consumimos foron: mazás, peras, granadas, mandarinas e plátanos. Esta experiencia resulta cada vez mellor pois imos conseguindo que os nosos alumnos/as valoren a importancia da alimentación sana. Cada día explícanse nas clases o beneficio que supón para o noso corpo o consumo da froita dese día.
Se queredes coñecer estes beneficios, preme na imaxe:

xoves, 26 de maio de 2011

26 de maio, Día da Nectarina (ou Peladillo)

Hoxe xoves foi o día dedicado á nectarina.A nectarina ou peladillo é un cruzamento de melocotón e ameixa que se converteu na froita preferida da tempada estival. Xurdiu buscando un tipo de froita doada de comer, que gustase a todo o mundo e, para moitos, unha opción ao melocotón. O seu nome fai referencia ao néctar e á dozura especial do seu sabor. Existen dúas variedades: de carne amarela e de carne branca. A que nós comimos hoxe foi a de carne branca.
BENEFICIOS
  • Alto poder depurativo do organismo.
  • Baixo contido calórico, ideal para dietas de adelgazamento ou para as persoas que queiran manter o seu peso.
  • Alto contido en provitamina A, necesaria para o bo estado da pel e as mucosas, e para unha correcta visión.
  • Reforza o sistema inmune, protexéndonos de enfermidades.
  • Contén pectina (fibra soluble) polo que ten propiedades laxantes.
  • O seu contido en magnesio confírelle propiedades sedantes, polo que se recomenda en situacións de estrés



mércores, 25 de maio de 2011

25 de Maio, Día da Cereixa

A cerdeira é unha pequena árbore froiteira procedente da cidade de Cesaronte (Asia), segundo conta a tradición. Existen numerosas variedades de cereixas. Hainas de sabor doce (as máis coñecidas), e amargas. Caracterízase por ser unha froita refrescante, que sempre senta ben en calquera momento do día.
BENEFICIOS
  • Destacan por ser depurativas, enerxéticas e desinfectantes, á vez que axudan en casos de estrinximento ao ser un pouco laxantes.
  • É unha froita rexeneradora de tecidos orgánicos, sendo recomendada en casos de arterioesclerose, obesidade, artrite, estrinximento, trastornos gástricos e reumatismo.
  • É aconsellable tanto para nenos/as como para anciáns.
  • Pode ser utilizada para mascarillas faciais, esmagadas sobre a cara favorecen ao cute.

martes, 24 de maio de 2011

24 de maio, Día do Albaricoque

O albaricoque, tamén coñecido como damasco, é unha froita esférica, de cor amarelenta ou laranxa, aveluda, de saber doce e lixeiro. Posúe un aspecto similar ao melocotón.
BENEFICIOS
  • Contén unha elevada cantidade de auga.
  • Destácase por albergar bos niveis de fibra (ideal para o tránsito intestinal)
  • Está considerado un excelente antioxidante natural.
  • Grazas ao caroteno, comprobouse que o consumo de albaricoque axuda a previr a Nictalopía, mala visión nocturna.
  • Favorece o tratamento e prevención de afeccións da pel e sistema respiratorio.
  • É ideal para incluír nas dietas polo seu baixo nivel calórico.
  • O albaricoque é rico en aceite. É un elemento ideal para agregar a calquera tipo de máscaras faciais e, mesmo, para utilizar como aceite corporal de primeira calidade (moitos o utilizan como remedios caseiros para eliminar e borrar estrías, engurras e combater a celulite).

23 de maio, Día da Mazá

Resultou un éxito este día. Xa imos conseguindo que a aqueles nenos/as aos que non lles gustaba a mazá foran cambiando de opinión. Aquí tedes a Bruno, que xa come mazás sen poñer caras raras !!!!


domingo, 22 de maio de 2011

III Semana da Froita

Esta semana que empeza, do 23 ao 27 de maio, será a nosa última semana da froita deste curso. Xa hai espectación nos alumnos e alumnas polas froitas que imos tomar. O cartel está á entrada do centro para que todo o mundo o vexa, cos carteis indicativos dos beneficios das froitas desta semana:

  • Mazás
  • Albaricoques
  • Cereixas 
  • Nectarina

Xa contaremos nesta bitácora como vai resultando.

mércores, 13 de abril de 2011

13 de abril, Día da fresa


A fresa é unha das froitas máis apetecibles polas súas propiedades culinarias, nutricionais e terapéuticas, unidas ao seu atractivo aspecto e delicioso sabor. É para moitos a raíña das froitas.
As fresas son, en realidade, un falso froito. Os verdadeiros froitos son os pequenos grans que vemos na superficie.
BENEFICIOS
  •      Son laxantes, debido ao seu contido en fibra soluble. Facilitando o tránsito intestinal.
  •      Regulan a función hepática, axudando a limpar e depurar o noso organismo. Aconselladas en caso de hepatite.
  •      Axudan a normalizar a presión arterial, polo baixo contido en sodio e graxa.
  •      Polo seu alto contido en fibra, impide o depósito de colesterol nas paredes das arterias.
  •      Son diuréticas. Aumentan a produción de ouriños e facilitan a eliminación de ácido úrico.
   CONVÉN SABER QUE … 
      Polo elevado contido en ácido salicílico, poden producir reaccións alérxicas.